Ukrayna prezidenti Petro Poroşenko Yeni ilədək postunu tərk edə bilər.

teref.az APA-ya istinadən xəbər verir ki, bunu Gürcüstanın sabiq prezidenti, Odessa vilayətinin eks-qubernatoru Mixeil Saakaşvili Kiyevdə keçirdiyi “xalq yığıncağı”nda bəyan edib.

"Mən Poroşenkoya qarşı genişmiqyaslı, dinc şəkildə hücum hazırlamağı təklif edirəm. Mən sizi əmin edirəm ki, yaxşı çalışsaq, şansımız var ki Yeni ili onsuz qarşılayaq”, deyə M.Saakaşvili bildirib.

Bundan əvvəl Saakaşvili bildirib ki, silahdaşları Poroşenkonun impiçmenti üçün ölkə ərazisində imza toplamağa başlayıblar.