Rusiyanın Yakutiya Respublikasının “Kolıma” avtomobil şosesində baş verən qəzada 9 nəfər ölüb.
“Report” TASS istinadən xəbər verir ki, bu barədə respublikanın FHN-dən bildiriblər.
“Son məlumatlara görə, 9 nəfər ölüb, onlar arasında 2 yaşlı uşaq da var. Xəsarət alan üç nəfər xəstəxanadadır”, - deyə nazirlikdən bildirilib.
Ehtimala görə, qəzaya səbəb mikroavtobusun əks hərəkət zolağına çıxması ola bilər. Xəsarət alan üç nəfərdən biri reanimasiya şöbəsinə yerləşdirilib.
Faktla bağlı cinayət işi açılıb.