Peterburqda iş adamını öldürən killer Emil Hüseynov barəsində hökm çıxarılıb.

PRESSDAY.az Rusiya mediasına istinadən bildirir ki, Hüseynov günahını boynuna alaraq məhkəməyə qədər əməkdaşlığa razılaşıb.

Məhkəmə cəzasını ciddi rejimli həbsxanada çəkməklə onun barəsində 12 il hökm çıxarıb.

İstintaqın versiyasına görə, Azərbaycanda anadan olan Əfqan Əliyev və Vüsal Əskərov öz həmvətənlərinin öldürülməsini təşkil etmək qərarına gəliblər.

Onlar niyyətlərini gerçəkləşdirmək üçün Azərbaycan vətəndaşı Emil Hüsynovla danışıblar və 10 milyon rubl müqabilində sifarişi yerinə yetirib.

2016-cı ilin iyun ayında zərərçəkən Peterburqdan gedib. Onda sui-qəsdçilər onun qardaşını öldürmək qərarına gəliblər ki, əsl hədəfləri dəfn üçün şəhərə qayıtsın.

İyunun 20-də Hüseynov Sofiya tərəvəz bazasında zərərçəkənin qardaşını güllələyib.

Killer aradan çıxmağa cəhd etsə də, şahidlər onu saxlayıblar.

Əliyev və Əskərova qarşı işə Sankt-Peterburq şəhər məhkəməsində baxılır.