Naməlum şəxs Moskvanın cənub-şərqində yerləşən fabrikin binasında adamlara atəş açıb, nəticədə bir nəfər ölüb.

Virtualaz.org DİN-in Moskva üzrə baş idarəsinin məlumatına istinadən bildirir ki, hadisə nəticəsində yaralananlar da var.

“Polis cinayətkarın saxlanılması üzrə əməliyyat aparır”, - deyə məlumatda qeyd edilir.

Qeyri-rəsmi mənbədən bildirilir ki, adamlara atəş açan şəxs fabrikin direktorudur.

Digər mənbələrin xəbərinə görə, fabrikdə bir neçə nəfər girov saxlanılır. Hadisə yerinə OMON və xüsusi təyinatlılar cəlb edilib.