“BadBurrito7” adlı Reddit istifadəçisi 3 ildir istifadə etmədiyi “Əpl” şirkətinə məxsus “İpad”-i istifadə etmək istədikdə maraqlı hadisə ilə rastlaşıb.

Publika.az xəbər verir ki, planşeti yandıran istifadəçi ekrandakı yazının şəklini sosial şəbəkələrdə paylaşıb. İddia edilir ki, planşeti aktivləşdirən zaman ekranda sistem tərəfindən 24 735 744 dəqiqə (təxminən 47 il) müddətinə bloklandığı göstərilib.

Sonradan məlum olub ki, uzun müddət heç bir yenilənmə qeydə alınmadığı üçün avtomatik olaraq sistem öz-özünü 1 yanvar 1970-ci ilə çəkib.

Kompüter mütəxəssisləri bildirib ki, istifadəçi sistemi yeniləmək üçün onu kompüterə birləşdirərək sistemin yaddaşına yeni tarix əlavə etməlidir. Lakin bundan sonra da planşetin fəaliyyətinin bərpa olunacağı dəqiq deyil.