İsrail ordusu Suriya sərhədində “Dəmir Qübbə” adlı hava hücumundan müdafiə sistemləri yerləşdirməyə başlayıb.
Muxalifet.az xəbər verir ki, bu barədə İsrailin “Reşet14” telekanalı məlumat yayıb.
Həmçinin hazırda Suriya-İsrail sərhədində nisbi stabilliyin olduğu da qeyd edilib.
Xatırladaq ki, ötən gün Suriya İsrailə məxsus bir neçə qırıcını vurduğunu bəyan edib. İsrail isə yalnız bir F-16-nın vurulduğunu, pilotun sağ qaldığını təsdiqləyib.
Bunun ardınca isə İsrail ordusu Suriyanın hava hücumundan müdafiə sistemlərini və İrana məxsus 4 hədəfi məhv edib. İran tərəfi isə bu məlumatı təkzib edərək, İsraili yalan məlumat yaymaqda ittiham edib.