Prezidentin son çıxışını diqqətlə izlədim, oxudum, yenə düz deyir, amma doğruları demir. İcra Başçılarına deyir ki, investor cəlb edin - nə qanunlarda, nə də məntiqlə onların investor cəlb etmək səlahiyyəti, imkanları yoxdur.
Teref.az yazır ki, bunu iqtisadçı ekspert Natiq Cəfərli deyir. Daha sonra Natiq Cəfərli deyir:
İnvestoru seçilmiş Mer institutu cəlb edə bilər - bunun dünyada örnəkləri var, Türkiyədə bu sistem çoxdan çalışır. Təyinatlı şəxs, hansını ki, bu gün təyin edib sabah işdən atmaq olar - heç vaxt investor cəlb edə bilməz, bu mümkün deyil.
Ona görə də, seçilmişlərin təyin edilmişlər üzərində üstünlüyü bərqərar edilməlidir.
Prezident sonra dedi ki, biznesmenlər pulu burda qazanıb xaricdə yatırırlar - olmaz belə, ilk gərək öz ölkəsinə sərmayə qoysunlar. Amma əvvəldə də dedi ki, ölkədə əla biznes mühit var - varsa, niyə xaricə sərmayə qoyurlar, yoxdursa o mühit, niyə yaradılmır?!
Bir daha: Bu gün iqtidadiyyatda baş verən problemlərin həlli artıq iqtisadi müstəvini aşıb, problemlərin həlli idarəetmə fəlsəfəsinin dəyişməsindən, sistem islahatlarından, siyasi müstəvidən keçir...
Natiq Cəfərli
Teref.az