Şəki şəhər İcra Hakimiyyəti tenderinin qalibini açıqlayıb.

Teref.az xəbər verir ki, tenderin qalibi "Abadlıq Təmir Təmizlik" MMC olub.

İcra hakimiyyəti 2020-ci ildə Şəki şəhərində görüləcək (büdcədənkənar vəsait hesabına) abadlıq işlərinin satınalınması üçün şirkətə 566 min 583 manat ödəyəcək.


Qeyd edək ki, "Abadlıq Təmir Təmizlik" MMC 5 fevral 2019-cu ildə 10 manat nizamnamə kapitalı ilə qeydiyyata alınıb. Şirkətin qanuni təmsilçisi Hafiz Əfəndizadə Amil oğludur.


Dövlət satınalma saytına görə, "Abadlıq Təmir Təmizlik" MMC-nin indiyədək qazandığı hər 3 tender Şəki İcra Hakimiyyətinə aiddir.

Belə ki, "Abadlıq Təmir Təmizlik" MMC Şəki İcra Hakimiyyətinin 6 iyul 2020-ci il tarixində 421 min 314 manatlıq “Şəki Şəhərində abadlıq işləri” tenderini və qeydiyyata alındığı gündən 3 gün sonra yəni, 8 fevral 2019-cu il tarixində 284 min 648 manatlıq “Abadlıq , yolların və mənzil fondunun əsaslı təmiri işləri” tenderini qazanıb.

Şəki İcra Hakimiyyəti "Abadlıq Təmir Təmizlik" MMC-yə 3 tender üçün 1 milyon 272 min 545 manat ödəyib.fed.az/