Paytaxtın Yasamal rayonunda yerləşən 16 saylı Şəhər Poliklinikasının tibb bacısı peyvənd vurdurmaq istəyən vətəndaşları təhqir edib.

Bizim.Media unikal.org-a istinadən xəbər verir ki, koronavirus əleyhinə vaksin vurdurmağa gələn vətəndaşlar onlayn növbə götürməsinə baxmayaraq, saatlarla gözləyiblər.

Bu haqlı olaraq, paytaxt sakinlərinin narazılığına səbəb olub. Tibb bacısına müraciət edən şəxslər, deyilən vaxtda vaksinlərinin vurulmasını tələb ediblər.

Bu zaman tibb bacısı "TƏBİB-i hərləmirəm, gözləyin", -deyə cavab verib. Bununla bağlı görüntülər sosial mediada qınaq obyektinə çevrilib.