“Tibbi sığorta haqqında” Qanunda dəyişiklik ediləcək
15-02-2022, 13:15
“Tibbi sığorta haqqında” Qanunda dəyişiklik edilməsi haqqında qanun layihəsi birinci oxunuşda təsdiq edilib.
AZƏRTAC xəbər verir ki, qanun layihəsi Milli Məclisin fevralın 15-də keçirilən plenar iclasında müzakirəyə çıxarılıb.
Dəyişikliyə görə, “Tibbi sığorta haqqında” Qanunun yeni redaksiyada verilən 1.1. 15-11.8-ci maddəsində deyilir ki, bu Qanunun 15-10.1.7-ci maddəsində nəzərdə tutulan aksizli mallar üzrə sığorta haqqı həmin mallar vergi ödəyicisi tərəfindən istehsal edildikdə Azərbaycan Respublikası Vergi Məcəlləsinin 191.1-ci maddəsi ilə, idxal edildikdə isə Azərbaycan Respublikası Vergi Məcəlləsinin 191.3-cü maddəsi ilə müəyyən edilən vaxtda ödənilir.