Xətai bələdiyyəsinin sədri Teymur Məmmədov vəzifəsini tərk edib. 28 mart 2016-cı il tarxində keçirilən bələdiyyə iclasında sədrin istefa ərizəsi qəbul edilib. Həmin iclasda keçmiş sədrin bələdiyyə üzvlüyünə xitam verilməsiylə bağlı da Mərkəzi Seçki Komissiyasına müraciət edilməsi qərara alınıb.

DİA.AZ saytı belediyyo.info-ya istinadən xəbər verir ki, istefaya səbəb kimi Teymur Məmmədovun səhhətinin qənaətbəxş vəziyyətdə olmaması göstərilir.

Hazırda sədrin səlahiyyətləri sədr müavini Əliyar Əliyevə həvalə edilib.

Yayılan digər məlumata görə isə, sədrin istefası hec də T.Məmmədovun səhhətiylə bağlı deyil. Belə ki, onunla eyni gündə rayon memarı Xətai Rayon İcra Hakimiyyəti başçısının sərəncamıyla tutduğu vəzifədən azad edilib. Hər iki məsul vəzifəli şəxsin eyni gündə vəzifəsini itirməsi rayon ərazisində qanunsuz torpaq satışıyla bağlı olduğu deyilir.

Xatırladaq ki, Teymur Məmmədov 2014-cu ilin dekabrında bələdiyyə üzvü, 2015-cu ilin yanvar ayından isə bələdiyyə sədri vəzifəsinə seçilmişdi.

teref.az azır ki,dia.az-a daxil olan məlumatlarda qeyd olunur ki, "yuxarılar" Xətai rayon icra hakimiyyəti tərəfindən qanunsuz torpaq alveri faktlarının araşdırılmasına qərar veriblər ki, nəticədə çox ciddi ittihamlar ortaya çıxıb: "Hər iki məsul şəxsin həbsi də mümkündür. Onların hər ikisi Xətai RİH başçısı Razim Məmmədovun əsas adamlarıdır. Və onlar hətta konkret olaraq Bakı meri Hacıbala Abutalıbovla toqquşmaya getməkdən çəkinmədən qanunsuz torpaq alveri ilə məşğul olublar. İndi isə vəziyyət dəyişib. Cəza vaxtıdır".
Qarşı tərəfin fikirlərinə yer verməyə hazırıq!
teref.az