“İzvestiya” qəzetinin müxbiri Sovet qoşunlarının nə məqsədlə Bakıya girdiyini SSRİ Müdafiə naziri Dmitri Yazovdan soruşduqda, o, cavab vermişdi ki, qoşun şəhərə Azərbaycan Xalq Cəbhəsinin mövcud strukturlarını dağıtmaq üçün daxil olub.

Qeyd edək ki, bu kütləvi qətliamın təşkilatçısı birbaşa SSRİ rəhbərliyi olub. Bakıya daxil olma qərarı M. Qorbaçovun otağında verilib. 1990-cı il yanvarın 20-də Bakıya ordu hissələrini yeritmək qərarı Mixail Qorbaçovun kabinetinə birgə qəbul olunub. İclasda SSRİ Ali sovetinin sədri Anatoli Lukyanov, müdafiə naziri Dimitri Yazov, DTK-nın sədri Kryuçkov, DİN naziri Sergey Bakatin və Nikolay Rıjkov iştirak edib. Yazov ordunun yeridilməsi üçün rəsmi fərman tələb etdi. Qorbaçov köməkçisi Medvedyevə ordunun şəhərə daxil olması barədə fərmanın mətnini hazırlamağı və gecə yarısı KİV-də dərc etməyi tapşırdı. Bu sözləri SSRİ-nin Baş naziri olmuş Nikolay Rıjkov “İzvestiya” qəzetinə 2014-cü ilin sentyabr ayının 26-da verdiyi müsahibədə bildirib.
Ceyhun Nabi
TEREF