Moskvada sabahdan başlayaraq, havanın temperaturu kəskin aşağı düşəcək.

Axar.az Rusiya mediasına istinadla xəbər verir ki, bu həftə şimal qonşumuzun paytaxtında 10 dərəcədən də çox şaxta olacağı gözlənilir.

Bu gecədən isə güclü külək proqnozu verilib. Saniyədə 22 metr əsəcək külək səbəbindən Moskva sakinlərinə xəbərdarlıq edilib və maşınları ağacların və reklam lövhələrinin altında saxlamamaq tövsiyə edilib.

Qeyd edək ki, bir neçə gün Moskvada havalar rekord həddə isti keçib. Bazar günü isə havanın hərarəti 5 dərəcəyə qədər qalxıb.