Rusiyanın paytaxtı Moskvada iki nəfər “Meqafon” şirkətinin satış ofisini qarət etməyə cəhd göstərib.

Axar.az RİA-ya istinadən xəbər verir ki, həyəcan siqnalının vaxtında işə düşməsi nəticəsində hər iki şəxs yaxalanıb.

“İki maskalı şəxs qeyri-qanuni şəkildə ofisə daxil olub. Onlar mağazanın əməkdaşını təhdid edərək kassadan 18 min rubl pulu götürüb. Daha sonra vitrində olan mobil telefonları da toplayaraq gizlənməyə çalışıblar. Lakin həyəcan siqnalı işə düşüb və hər iki qarətçi əraziyə gələn polis tərəfindən saxlanılıb”, - deyə məlumatda bildirilib.

Hazırda DİN əməkdaşları dəyən ziyanın məbləğini müəyyənləşdirir.