Suriya ordusu Hələbin qərbində terrorçuların mövqelərinə artilleriya zərbələri endirib
26-01-2020, 04:55
Suriya ordusunun artilleriya qüvvələri Hələbin qərb kənarlarındakı (Dəməşqdən 360 km) silahlı qruplaşmaların mövqelərinə zərbələr endirib.
APA-nın “SANA” agentliyinə istinadən verdiyi məlumata görə, silahlıların arasında ciddi itkilər var.
Ordu Camiyət-əz-Zəhra yaşayış məhəlləsindən Rəşidin mikrorayonuna qədər bütün cəbhə boyu hücumlar edib. Kfar Həmra, Xan əl-Asal, Əl-Mansoura, Buxus və Kfar Naha massivlərində terrorçuların dayaq məntəqələrinə zərbələr endirilir.
