22-24 iyun aralığında yağan intensiv yağışlar İvano-Frankovsk, Çernovtsi, Lvov, Zakarpatye və Ternopol bölgələrində sel vəziyyətinin ağırlaşmasına səbəb olub.

KONKRET.az xəbər verir ki, bu barədə Dövlət Təcili Xidmətinin bu günkü səhər icmalında bildirilib.

Qeyd olunur ki, ümumilikdə 285 yaşayış məntəqəsi (İvano-Frankovsk – 234, Çernovtsi – 37, Lvov – 12, Ternopol – 2), 9 min 994 ev (İvano-Frankovsk – 9157, Çernovtsi – 728, Lvov – 72, Ternopol -37), doqquz sosial və məişət obyekt, 3 min 340 zirzəmi (İvano-Frankovsk – 2553, Çernovtsi – 712, Lvov – 75), 13 min 390 bağ evi (İvano-Frankovsk – 11337, Çernovtsi – 1895, Lvov – 131, Ternopol – 27) su altında qalıb.

Həmçinin, pis hava şəraiti nəticəsində 117 km yol (İvano-Frankovsk – 116, Çernovtsi – 1) və İvano-Frankovsk bölgəsindəki 64 körpü dağılıb.

500 km yola və 135 körpüyə isə ziyan dəyib.

Hava şəraitinin fəsadlarının aradan qaldırılmasına 1 643 nəfər və 469 ədəd texnika cəlb edilib.