Rusiya vaksin hazırladı: əhali razı olmadı - Sorğu
23-08-2020, 00:01
Rusiya xalqının yarısı koronavirusa qarşı "Sputnik V" peyvəndinin vurulmasına hazır olmadıqlarını bildirib.
Axar.az xəbər verir ki, bu barədə Ümumrusiya İctimai Rəyi Öyrənmə Mərkəzinin (VTSİOM) hesabatında qeyd edilib. Məlumata görə, respondentlərin 42 faizi vaksinlə bağlı sorğuya müsbət cavab versə də, onların 52 faizi buna hazır olmadıqlarını vurğulayıb.
Hesabatda vaksinə etiraz edənlərin əksəriyyətinin ondan qorxduğu və ya virusa inanmadıqları üçün razı olmadığı vurğulanıb.