Yəməndə mina partlayışı nəticəsində 3 ay ərzində 18 nəfər həyatını itirib.

Bakıvaxtı.az xəbər verir ki, bu barədə Yəmən Mina Rəsədxanası yazılı açıqlama yayıb.

Bildirilib ki, aprel, may və iyun aylarında ölkənin müxtəlif bölgələrində baş verən mina partlayışlarında 10-u uşaq, 5-i qadın olmaqla 18 nəfər ölüb, 7-si uşaq olmaqla 32 nəfər yaralanıb. Eyni zamanda partlayışlar zamanı 50 heyvan ölüb, mülki şəxslərə məxsus 6 avtomobil yararsız hala düşüb.