Azərbaycanlı gənc iş adamı Ukraynada öldürülüb.
"Ölkə.Az"ın xarici mediaya istinadən xəbər verir ki, hadisə Odessa şəhərində baş verib.

Belə ki, Şəmkir sakini, 1996-cı il təvəllüdlü Laçın Məmmədov küçə ilə hərəkət edən zaman bir nəfər avtomatla ona atəş açıb.

O, Odessada kiçik sahibkarlıqla məşğul olub.

Yerli polisin açıqlamasına görə, qətli törədən şəxsin Gürcüstan vətəndaşı Elmuraz Məmmədov olduğu üzə çıxıb.

Faktla bağlı hüquq-mühafizə orqanlarının əməkdaşları tərəfindən araşdırmalara başlanılıb.