Ekspozisiyasında Azərbaycan rəssamları və heykəltaraşlarının müxtəlif üslub və janrlarda Vətən Müharibəsi qəhrəmanlarının xatirəsini əbədiləşdirdiyi əsərləri yer alacaq.

"Anım Günü" - 27 sentyabr-a həsr olunmuş "Misilsiz cəsarət" adlı rəsm sərgisi keçiriləcək. Sputnik Azərbaycan xəbər verir ki, sərginin ekspozisiyasında Azərbaycan rəssamları və heykəltaraşlarının müxtəlif üslub və janrlarda Vətən Müharibəsi qəhrəmanlarının xatirəsini əbədiləşdirdiyi əsərləri yer alacaq.

Mədəniyyət Nazirliyi, "ASAN xidmət", Azərbaycan Rəssamlar İttifaqı, Azərbaycan Dövlət Rəsm Qalereyası, Xətai Sənət Mərkəzinin və "ASAN Könüllülük Məktəbi"nin təşkilatçılığı ilə baş tutan sərgidə iştirak etmək istəyən rəssamlar sentyabrın 20-dək mövzuya uyğun rəsmlərinin keyfiyyətli fotosunu, əsərin adını, ölçüsünü və texnikasını, öz ad, soyadı və əlaqə nömrələri ilə birgə resmqalereya@gmail.com ünvanına göndərə bilərlər.