Rusiya İstintaq Komitəsinin Perm Ərazi Baş İdarəsinin rəisi polkovnik Sergey Sarapultsev öz bağ evində ölü tapılıb. Bu barədə "Baza" nəşri məlumat yayıb.

İlkin məlumatlara görə, o intihar edib. Nəşr qeyd edir ki, 23 sentyabr cümə axşamı günü Komitənin regional bölməsində Perm Dövlət Universitetinə silahlı hücumla bağlı cinayət işinin araşdırılmasının müzakirə edildiyi iclas keçirilib. Görüşdən sonra bir sıra yerli müstəntiqlər istintaqda iştirakdan kənarlaşdırılıb.

Sarapultsev evə gedib və sonra iş yoldaşları tərəfindən orada tapılıb.