Jitomir vilayətində Staraya Kotelnaya kəndində nəzarət-buraxılış məntəqəsinin atəşə tutulması nəticəsində 5 hərbçi həlak olub.

Qafqaz.media xəbər verir ki, bu barədə Jitomir vilayəti dövlət administrasiyasının sədri Vitali Buneçko videomüraciətində bildirib.

"Dünən Korostendə UPG neft anbarı atəşə tutulub, 1 nəfər ölüb, neft məhsullarının partlaması baş verməyib. Bundan başqa, Staraya Kotelnaya kəndində nəzarət-buraxılış məntəqəsinin atəşə tutulması nəticəsində 5 hərbçi həlak olub, ikisi yaralanıb”, - deyə o bildirib.

Buneçkanın sözlərinə görə, Rusiyanın Ukraynaya genişmiqyaslı müdaxiləsi müddətində Jitomir vilayətinə 40-dan çox hava zərbəsi endirilib.