Ukrayna Daxili İşlər Nazirliyi rəhbərinin müşaviri Anton Geraşenko Rusiyaya məxsus “Osa” hava hücumundan müdafiə sistemini məhv edib.

Qafqaz.media xəbər verir ki, o, öz “Telegram” kanalında düşmənin məhv edilmiş texnikasının fotolarını dərc edib.

Qeyd edək ki, “Osa” avtomatlaşdırılmış hərbi zenit-raket kompleksidir. Kompleks bütün hava şəraitinə uyğundur və bütün növ döyüş əməliyyatlarında motoatıcı (tank) diviziyasının qüvvə və vasitələrini əhatə etmək üçün nəzərdə tutulub.

Bundan əvvəl Çerniqov istiqamətində Ukrayna Silahlı Qüvvələri “İsgəndər-M” ballistik operativ-taktiki raket komplekslərinin diviziyasını məhv edib. Eynilə, Kiyev vilayətində 72-ci motoatıcı briqada ilə rus işğalçıları arasında gedən şiddətli döyüş videoya çəkilib. Elə səhər saatlarından Ukrayna hərbçilərinin əks-hücuma keçdiyi xəbərləri gəlməyə başladı. Məlum oldu ki, gecə çətin keçib, səhər döyüşlər davam edib.