Spirtli içkinin təsiri altında bir nəfər çılpaq halda hasarı aşaraq Almatı hava limanının perron ərazisinə daxil olub.
Teref.az Lent.az-a istindadən xəbər verir ki, bu barədə polis idarəsi məlumat yayıb.

"Almatı hava limanının nəqliyyat polisi əməkdaşları 1997-ci il təvəllüdlü kişini inzibati xəta törətdiyinə görə saxlayıblar. Yoxlama zamanı məlum olub ki, bu vətəndaş aprelin 6-da saat 00:10-da (5 aprel Bakı vaxtı ilə 22:10-da) lüt soyunaraq, Almatı hava limanının çıxış terminalının yaxınlığındakı hasarı aşıb. Bundan sonra həmin şəxs çılpaq vəziyyətdə uçuş-enmə zolağına tərəf qaçıb və orada aviasiya təhlükəsizliyi əməkdaşları tərəfindən saxlanılıb",-deyə məlumatda bildirilir.