Yaponiyanın Çiba əyalətində 5,2 bal gücündə zəlzələ baş verib.

Ölkə.Az xarici KİV-ə istinadla xəbər verir ki, Yaponiya Meteorologiya Agentliyindən (JMA) verilən məlumata görə, zəlzələ yerin 40 km dərinliyində qeydə alınıb.

Yeraltı təkan Çibanın sərhəd qonşusu Kanaqava, Saitama və İbaraki əyalətləri ilə yanaşı Tokioda da hiss edilib. Çiba və Kanaqava əyalətində 4 nəfərin xəsarət aldığı bildirilib.

Digər tərəfdən zəlzələ dəmir yolu nəqliyyatına da mənfi təsir göstərib. Belə ki, Çiba əyalətində bəzi qatar reysləri ləğv edilib, bəzi reyslər isə təxirə salınıb.

JMA xəbərdarlıq edib ki, gələn həftə ərzində Çiba və ətraf əyalətlərdə 5 bal gücündə zəlzələ baş verə bilər.