Hizbullahın döyüşçüləri Qərbi Qalileydə İsrail hərbi obyektlərini atəşə tutub. Silahlılar iri çaplı Burkan raketlərindən istifadə ediblər.

İqtisadiyyat.az xəbər verir ki, bu barədə təşkilatın "Telegram" kanalında yerləşdirilmiş bəyanatında deyilir.

Bəyanatdan məlum olur ki, hücumda Jel əl-Aləm təpəsindəki RLS, həmçinin Avivim, Doviv və Şomera yaşayış məntəqələrindəki komanda-müşahidə məntəqələri və kazarmalar hədəfə alınıb. Zərbə nəticəsində İsrail ordusuna Livan ərazisinə nəzarət etməyə imkan verən Misqav Am hərbi bazasında quraşdırılmış kəşfiyyat avadanlıqları sıradan çıxıb.

"Müqavimət döyüşçüləri bu əməliyyatları düşmən qüvvələrinin Livanın Ayt əş-Şaab, Blida, Kfar Killa və Teir Harf kəndlərinə hücumlarına cavab olaraq həyata keçirib", - məlumatda qeyd edilir.