İranda təyyarənin mühərriki mexaniki uddu: Faciəli hadisənin təfərrüatı

10-07-2024, 17:04           
İranda təyyarənin mühərriki mexaniki uddu: Faciəli hadisənin təfərrüatı
İranın cənubunda yerləşən hava limanında dəhşətli hadisə baş verib. Belə ki, mexanik "Boeing" təyyarəsinin texniki xidməti zamanı işləyən mühərrikə yaxınlaşarkən faciəli şəkildə həyatını itirib.

Hadisə Çabahar-Konarak hava limanında baş verib.

Məlumata görə, faciə baş verəndə sərnişinlər Tehrandan gələn təyyarəni artıq tərk etmişdilər. Texniki yoxlama məqsədilə təyyarənin sağ tərəfindəki mühərrik işə salınıb. Mexanik mühərrikin içərisində alətini unutduğunu düşünüb və onu götürmək üçün işləyən mühərrikə yaxınlaşıb. Bu zaman mühərrik onu içəri çəkib.

Hadisə yerinə gələn yanğınsöndürənlər mexanikin qalıqlarını aşkarlayıblar. Qeyd olunur ki, mühərrikin ətrafında təhlükəsizlik zonası yaradılıb, lakin mexanik buna məhəl vermədən işləyən mühərrikə yaxınlaşıb.

Mənbə: Kp.ru












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru