Homs-Dəməşq avtomobil yolu İsrail hərbi hava qüvvələrinin zərbələri səbəbindən bağlanıb

İsrail Hərbi Hava Qüvvələrinə məxsus təyyarələr Suriyanın Homs əyalətinin Şəmsin bölgəsində humanitar yardım karvanına hücum edib. AYNA xəbər verir ki, bu barədə “Al-Ekhbaria” telekanalı məlumat yayıb.

Bildirilib ki, Homs-Dəməşq avtomobil yolu İsrail hərbi hava qüvvələrinin zərbələri səbəbindən bağlanıb. Qeyd olunub ki, humanitar yardım livanlı qaçqınlar üçün nəzərdə tutulub.

İsrailin Dəməşqin cənub-şərq ətrafına hücum etməsi xəbərindən bir gün əvvəl işğal altındakı Qolan təpələrindən raketlər atılıb. Onlarla mülki şəxs yaralanıb. Hava zərbələri zamanı Suriya ordusunun tərəfində vuruşan “Hizbullah” birləşmələrinin döyüşçüləri məhv edilib.

Müəllif: Ayna.az