Kəklikotu təbii bir vasitə olaraq ürək bulantısına qarşı təsirli hesab edilir. Foodinfo.az xəbər verir ki, kəklikotu yarpaqlarını çeynəmək tərkibindəki uçucu yağlar və fenollar sayəsində mədəyə rahatlaşdırıcı təsir göstərir. Xüsusilə, timol və karvakrol adlı maddələr kəklikotunun mədə problemlərinə və ürək bulanmasına qarşı təsirini artırır. Bu maddələr mədədəki qaz yığılmasını azaldaraq şişkinlik və narahatlığı aradan qaldırır.Kəklikotunun antibakterial xüsusiyyətləri də həzm sistemindəki bakteriyaları məhv edərək mədə pozğunluqlarını yüngülləşdirir. Ürək bulantısı və həzm problemləri zamanı kəklikotu çayı və ya təzə kəklikotu yarpaqlarının çeynənməsi mədənin sakitləşməsinə və bulantının azalmasına kömək edir.Lakin kəklikotunu həddindən artıq istehlak etmək yan təsirlərə səbəb ola bilər. Mədə həssaslığı olan insanlar və ya müəyyən dərmanlardan istifadə edənlər kəklikotunu qəbul etməzdən əvvəl həkim məsləhəti almalıdır.