Misirin hərbi təyyarələri Liviyanın Derna şəhərində yerləşən terrorçuların mövqelərinə havadan silsilə zərbələr endirib.
"Report" xəbər verir ki, bu barədə Liviya komandanlığına istinadən "Reuters" məlumat yayıb.
"Hava zərbələri Liviya milli ordusu və Misir ordusu arasında əlaqəli şəkilə endirilib", - deyə Liviya ordusunun nümayəndəsi Əhməd Messmari bildirib.
Misirin Müdafiə Nazirliyi hələ ki, məsələ ilə bağlı münasibət bildirməyib.