ABŞ-da qadın doğum evində bir neçə nəfərə bıçaq xəsarəti yetirib.

"Report" xarici mətbuata istinadən xəbər verir ki, hadisə Nyu-Yorkda, Kvins ərazisindəkı doğum evində qeydə alınıb.

Polisin məlumatına görə, qadın ət bıçağı ilə 5 nəfərİ yaralayıb. Onlardan ikisi – 13 yaşlı qız və 1 aylıq körpə qarın nahiyələrindən xəsarət alıblar. Hücum zamanı həmçinin körpələrdən birinin atası və Kvinsin perinatal mərkəzinin əməkdaşı da yaralanıb. Xəbərdə bildirilir ki, qadının hücumu nəticəsində eləcə də 22 yaşlı qız da üz nahiyəsindən müxtəlif xəsarətlər alıb.

Ağlını itirmiş cinayətkar binanın zirzəmisində huşsuz, biləkləri kəsilmiş vəziyyətdə tapılıb. Polisin ehtimalına görə, o, intihar etməyə çalışıb. Qadın saxlanılıb və hazırda polis onu dindirir.