Kopa İtaliya: Favoritlər qələbə qazanaraq növbəti mərhələyə adlayıblar
13-01-2019, 10:21
İtaliya Kuboku uğrunda 1/8 kubokun görüşləri keçirilib. Trend-in məlumatına görə, günün birinci keçirilən matçında “Latsio” doğma meydanda “Novara”nı qəbul edərək darmadağın edib – 4:1.
Günün ikinci matçında “Sampdoriya” doğma meydanda “Milan”ı qəbul edib. Əsas vaxt heç-heçə başa çatıb. Lakin əsas vaxta əlavə olunan 30 dəqiqədə Kutrone iki dəfə fərqlənərək komandasına qələbə qazandırıb – 0:2.
Günün son matçında isə “Bolonya” doğma meydanında “Yuventus”u qonaq edib. Görüşdə qollara “Yuventus”lu Bernardeski və Kin imza atıb. Görüş 0:2 hesabı ilə başa çatıb.
Bütün qalib gələn komandalar növbəti mərhələyə keçib.