“Barselona” öz rəsmi saytında komandanın 2019/20-ci illər mövsümündə evdə keçirəcəyi oyunlar üçün yeni geyim dəstinin fotoşəkillərini dərc edib.

"Report" xəbər verir ki, yeni forma klub üçün klassik olan göy və tünd qırmızı rənglərdə hazırlanıb.

Futbolka üzərində klassik göy-qırmızı zolaqlar əvəzinə damalar öz əksini tapıb. Formanın yaxalığında Kataloniyanın sarı və qırmızı rənglərdə olan bayrağını xatırladan əlavə var.