“Barselona” futbol klubunun prezidenti Xosep Bartomeu VAR sistemini tənqid edib.

Xəbəri “Goal” agentliyi yayıb.

“Mən “Real” (Madrid) və “Atletiko” arasındakı qarşılaşmanı izlədim. Özümü çox pis hiss edirəm. Biz (“Barselona”nı nəzərdə tutur - red.) dünyada ən gözəl futbol oyunu nümayiş etdiririk. VAR isə koronavirusdan sonra ədalətsiz qərarlar verir. Bu qərarlar qarşılaşmaların nəticələrini dəyişir və həmişə eyni komandaya kömək edir”, - deyə X.Bartomeu bildirib.

Qeyd edək ki, İspaniya çempionatının 34-cü turunda “Real” “Atletiko”nu məğlub edib. Yeganə qolu 73-cü dəqiqədə penalti zərbəsi ilə Serxio Ramos vurub. Oyunun 76-cı dəqiqəsində isə “Atletiko”nun futbolçusu “Real”ın cərimə meydançasında kobudluqla dayandırılsa da, oyunun hakimi 11 metrlik cərimə zərbəsini təyin etməyib.oxu.az