Çempionların Liqasında 1/8 final matçlarının nəticəsinə görə unikal statistik nailiyyət əldə edilib.

"Report" xəbər verir ki, liqa tarixində ilk dəfə bir ölkədən dörd hakim 1/4 finala çıxıb. Bunlar Edin Terziç ("Borussiya" Dortmund), Yurgen Klopp ("Liverpul"), Tomas Tuxel ("Çelsi") və Hans-Diter Flikdir ("Bavariya"). Onların hamısı alman mütəxəssisdir.

Həmçinin Çempionlar Liqasının 1/4 finalına "Pari Sen-Jermen", "Portu", "Mançester Siti" və "Real Madrid" komandaları yüksəlib.

Qeyd edək ki, 1/4 finalın və yarımfinalın püşkatma mərasimi martın 19-da İsveçrənin Nyon şəhərində keçiriləcək.

Yarışın hazırkı qalibi “Bavariya”dır. Komanda 2020-ci ilin final matçında PSJ üzərində 1:0 hesabı ilə qələbə qazanıb.