Bu gün Avropa Liqasında fasilə başa çatıb. İlk oyun günündə Türkiyə təmsilçisi "Fənərbaxça" doğma meydanında Moskva "Lokomotiv"ini qəbul edir. Matç Bakı vaxtı ilə saat 21:00-da başlayıb.

Oyunun 18-ci dəqiqəsində “Fənərbaxça” təmsilçisi Souza oyunda hesabı açıb. Hesab 1:0 Türkiyə komandasının xeyrinədir.

Qarşılaşma başlamazdan öncə stadionda gərginlik yaşanıb. “Lokomotiv” klubunun futbolçularını, məşqçi heyətini və azarkeşlərini daşıyan avtobus türklər tərəfindən daş-qalaq edilib.

Məlumata görə, polis insidentə dərhal müdaxilə edərək, qarşıdurmanın baş verməsinin qarşısını alıb.

Polis “Lokomotiv” klubunun avtobusuna hücum etməyə cəhd edən bir neçə “Fənərbaxça” azarkeşini saxlayıb.

Oyuna baxmağa gələn əlliyə yaxın rus azərkeşlərini hər yerdə türk polisi müşaiyət edir. Yüzdən çox polis onlara təhkim olunub.
[media=https://www.youtube.com/watch?v=JukbH-1p7WU]