Futbol üzrə Rusiya Premyer Liqasında “Spartak”-“Nijni Novqorod” oyununda qonaqların futbolçusu İvan Miladinoviç hava mübarizəsində rəqib oyunçu ilə toqquşaraq huşunu itirib.

“Championat” xəbər verir ki, dərhal hər iki komandanın tibb işçiləri futbolçuya kömək etmək məqsədi ilə meydançaya daxil olublar.

Futbolçunu huşunu geri qaytarmaq mümkün olsa da, o, meydançadan birbaşa xəstəxanaya aparılıb.

İlkin məlumata görə, müdafiəçinin beyni sirkələnib.

Onun hərtərəfli müayinədən keçəcəyi bildirilib. Qeyd edək ki, oyun “Nijni Novqorod”un “Spartak” üzərində 1:2 hesablı qələbəsi ilə yekunlaşıb.