"Real Madrid"in ulduz futbolçusu Kriştiano Ronaldo son dövrlərdəki davranışıyla diqqət çəkir.

Axşam.az-ın xarici KİV-ə istinadən məlumatına görə, keçən həftə "Atletiko Madrid"ə uduzduqdan sonra "əgər hamısı mənim kimi olsaydı, ilk sırada yer alardıq" deyərək komanda yoldaşlarını əsəbiləşdirən Ronaldo bu dəfə fanatlarına qarşı hörmətsizlik edib.

Ronaldodan imza almaq istəyən fanatları klubun bazasının qarşısında yolu bağlayaraq futbolçunu gözləyiblər. Lakin Kriştiano gözlənilməz hərəkət edib. O, avtomobilini səkiyə qaldıraraq oradan sürətlə uzaqlaşıb.

Polis Ronaldonu qanun pozuntusuna görə cərimələdiyi anda fanatları da "Ayıb olsun" deyərək ona sərt reaksiyalarını göstəriblər.
[media=https://www.youtube.com/watch?v=toXCG_W798E]