Çempionlar Liqası: “Barsa”nın revanş arzusu puç oldu - VİDEO
15-09-2021, 07:20
Bu gün startı verilən UEFA Çempionlar Liqasında 2021/22 mövsümünün qrup mərhələsində digər altı qarşılaşma da başa çatıb.
Oxu.Az xəbər verir ki, ilk oyun günündə E, F, G və H qruplarında matçlar keçirilib.
Ronaldulu “Mançester Yunayted”in məğlubiyyətilə başlayan gecənin ən çox gözlənilən qarşılaşması E qrupunda baş tutub. “Barselona” Almaniya çempionu “Bayern”i qəbul edib.
Ənənəvi performanslarından uzaq olan katalonlar “alman maşını” ilə bacara bilməyərək, yenidən doğma divarlar arasında məğlub olub – 0:3.
Xatırladaq ki, bu iki komanda 2019/20-ci il mövsümünün 1/4 final mərhələsində qarşılaşıb. Kataloniyada keçirilən görüşdə Münhen klubu meydan sahiblərini öz azarkeşləri önündə rüsvayçı hesabla məğlub edib – 8:2.
Qeyd edək ki, ilk turun digər 8 oyunu sabah keçiriləcək.
UEFA Çempionlar Liqası
Qrup mərhələsi, I tur
14 sentyabr
E qrupu
“Barselona” (İspaniya) – “Bayern” (Almaniya) 0:3
“Dinamo” (Ukrayna) – “Benfika” (Portuqaliya) 0:0
F qrupu
“Vilyareal” (İspaniya) – “Atalanta” (İtaliya) 2:2
G qrupu
“Lill” (Fransa) – “Volfsburq” (Almaniya) 0:0
H qrupu
“Çelsi” (İngiltərə) – “Zenit” (Rusiya) 1:0
“Malmö” (İsveç) – “Yuventus” (İtaliya) 0:3
oxu.az
