Çempionlar Liqasının qrup mərhələsinin IV turunda “Zenit” üzərində 4:2 hesablı qələbə qazanan “Yuventus” 1/8 finala vəsiqəni təmin edib.
Redaktor.az xəbər verir ki , Turindəki qarşılaşma “qoca sinyora”nın hücumçusu Paulo Dibala üçün əlamətdar olub.
Matçda dubla imza atan argentinalı hücumçu “Yuventus”nun sabiq futbolçusu Mişel Platinini geridə qoyub. Bununla qollarının sayını 106-ya çatdıran Dibala əfsanəvi fransalını qabaqlayıb. Platininin aktivində İtaliya klubunun heyətində 104 qolu var.
Qeyd edək ki, H qrupunda yer alan “Yuventus” ilk 4 turda 12 xal qazanıb.