Xavi "Barselona"ya yeni baş məşqçi təyin olunub

6-11-2021, 08:03           
Xavi "Barselona"ya yeni baş məşqçi təyin olunub
İspaniyalı mütəxəssis Xavi "Barselona" klubunun baş məşqçisi təyin olunub.

“Report” xəbər verir ki, bu barədə komandanın mətbuat xidməti məlumat yayıb.

Kataloniya təmsilçisi 41 yaşlı mütəxəssislə 2024-cü ilin yayınadək müqavilə imzalayıb.

Qeyd edək ki, "Barselona"nın sabiq baş məşqçisi Ronald Kuman "Rayo Valyekano"ya 0:1 hesabı ilə uduzduqları XI tur oyunundan sonra istefa verib. Kataloniyalıların yetirməsi olan Xavi 1997 - 2015-ci illərdə əsas komandanın formasını geyinib.

2015 - 2019-cu illərdə Qətərin "Əl-Sədd" klubunda oynayan keçmiş yarımmüdafiəçi, 2019-cu ildə baş məşqçi təyin olunub. Onun "Əl Sədd"lə 2023-cü ilədək müqaviləsi var.

Daha əvvəl mətbuatda "Əl Sədd" rəhbərliyinin Xavi Ernandesi buraxmaq üçün "Barselona"dan 1 milyon avro təzminat tələb etdiyi yazılıb.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.