Millimiz hesabı bərabərləşdirir. Emin Mahmudov 37-ci dəqiqədə cavab qolunu vurur.

*** 21:24

Azərbaycan - Qətər yoldaşlıq matçının 23-cü dəqiqəsində qonaqlar hesabda önə keçib - 0:1.

*** 21:00

Futbol üzrə Azərbaycan və Qətər yığmaları arasında yoldaşlıq görüşü başlayıb.

*** 09:00

Futbol üzrə Azərbaycan millisi bu gün yoldaşlıq oyunu keçirəcək.

Bizim.Media xəbər verir ki, Canni De Byazinin baş məşqçi olduğu kollektiv Bakıda Qətər yığması ilə qarşılaşacaq.

Matçı litvalı FIFA referisi Donatas Rumşas idarə edəcək. Bu, Azərbaycan seçməsinin 2021-ci ildəki son oyunu olacaq.

İki kollektiv indiyədək 3 dəfə yoldaşlıq görüşündə üz-üzə gəlib. Tərəflər hərəyə 1 dəfə qalib gəliblər (2:1), bir dəfə isə 1:1 hesablı bərabərlik qeydə alınıb.

Bu, Azərbaycan millisinin ümumilikdə 130-cu yoldaşlıq oyunu olacaq. Əvvəlki 129 matçda komanda 35 qələbə qazanıb, 43 heç-heçə edib və 51 dəfə uduzub.

Qeyd edək ki, Qətər millisi 2022-ci il dünya çempionatının seçmə mərhələsinin A qrupunda müsabiqədənkənar iştirak edir.

Bakı Olimpiya Stadionunda oynanılacaq görüş saat 21:00-da başlayacaq.