Qeyri-adi sürətinə görə "The Flash" ləqəbini almış peşəkar boksçumuz Fuad Tarverdi növbəti döyüşünü keçirib.

Bizim.Media xəbər verir ki, idmançımız Rusiya Federasiyasını təmsil edən dağıstanlı peşəkar boksçu Azedullah Camaluddinova qalib gələrək aktivinə növbəti xalını yazdırıb.

Bakı Şəhər Gənclər və İdman Baş İdarəsi və "VKB" (Victory For Karabakh) şirkətinin dəstəyi ilə yarışa qatılan idmançımız "Qızıl əlcək" idman klubunu təmsil edir.

Müəllimi əməkdar məşqçi Rəhim Allahverdiyevdir.

Qeyd edək ki, bu yarışda "Qələbə" mahnısı ilə rinqə çıxan boksçumuz Fuad Tarverdi ilk peşəkar döyüşü zamanı Moskvada keçirilən beynəlxalq turnirdə rinqə Şəhid Xudayarın ifa etdiyi "Dastana döndü" mahnısı ilə çıxıb. Həmin vaxt 2 erməni rəqibi onunla döyüşməkdən imtina edib.