Azərbaycan millisinin "Legiya"da oynayan futbolçusu Mahir Emreli Varşava təmsilçisinin düşərgəsinə qoşulub.

Qol.az xəbər verir ki, 24 yaşlı hücumçu bu gündən kollektivlə birlikdə məşqlərə qatılıb. Azərbaycan yığmasının heyətində Leksemburq (1:3) və Qətərlə (2:2) oyunlarda iştirak edən Emreli Polşaya qayıtdıqdan sonra məşqçilər korpusu tərəfindən ona bir günlük istirahət verilib. Artıq istirahətini başa vuran forvard bu gün Polşa Ekstraklasasının 15-ci turunda “Qornik”lə səfər görüşünün hazırlıqlarına qatılıb.

Qeyd edək ki, “Qornik” – “Legiya” oyunu noyabrın 21-də keçiriləcək.