İngiltərə Premyer Liqasının rəhbərliyi 24 saat ərzində Ukrayna ətrafında yaranmış vəziyyətə görə çempionat və İngiltərə Kubokunun nümayişi üçün Rusiya yayımçıları ilə imzalana müqaviləyə xitam verəcək.

Məlumata görə, Premyer Liqa rəhbərliyi vəkillərlə görüşdən sonra bu qərara gəlib. Rusiyada yayımlanan turnirlərin çərşənbə axşamı dayandırılacağı bildirilib.

Qeyd edək ki, İngiltərə Premyer Liqasının Rusiyadakı rəsmi yayımçısı “Rambler Media”dır. Onun Premyer Liqa ilə 6 milyon funt-sterlinqlik müqaviləsi üç aydan sonra başa çatacaq. Hazırda Rusiyada turniri “Okko” servisi yayımlayır.

İngiltərə Kuboku isə ölkədə “Matç TV” tərəfindən yayımlanır.

Mənbə: TASS