Dünya çempionatı: Azərbaycanın yunan-Roma güləşçilərinin rəqibləri müəyyənləşib
10-09-2022, 09:24
Sentyabrın 11-də Serbiyanın paytaxtı Belqradda güləş üzrə dünya çempionatına start veriləcək.
Azərbaycan Güləş Federasiyasından verilən məlumata görə, yarışın keçiriləcəyi “Stark Arena”da yunan-Roma güləşi üzrə püşkatma mərasimi keçirilib. Püşkatmanın nəticəsi belədir:
55 kq 1/8 final Eldəniz Əzizli – Covanni Freni (İtaliya)
60 kq 1/8 final Murad Məmmədov – Viktor Petrik (Ukrayna) / Rabbi Kilandi (Konqo)
63 kq 1/8 final Taleh Məmmədov – Aleksandr Yurkyans (Latviya) / Cordan Kabonqo (Konqo)
67 kq 1/16 final Həsrət Cəfərov – Dieqo Martines (Meksika)
72 kq 1/8 final Ülvü Qənizadə - Taişi Hori (Yaponiya) / İbrahim Məhəmmədov (Qazaxıstan)
77 kq 1/16 final Sənan Süleymanov – İdris İbayev (Almaniya)
82 kq 1/8 final Rafiq Hüseynov – Sultan Damen (İordaniya) / Yuya Okajima (Yaponiya)
97 kq 1/16 final Arif Niftullayev – Daniel Qastl (Avstriya)
130 kq 1/16 final Sabah Şəriəti – Satiş Satiş (Hindistan)
Xatırladaq ki, Eldəniz, Ülvü və Sənan, sentyabrın 11-də Taleh, Həsrət, Rafiq və Arif, ayın 12-də isə Muradla Sabah mübarizəyə start verəcək. Görüşlər hər gün Bakı vaxtı ilə 12:30-da başlayacaq.
Dünya çempionatının yarımfinal və medal qarşılaşmaları İTV-də canlı yayımlanacaq.