Millətlər Liqası: Xorvatiya və Niderland finalda, Türkiyə məğlub oldu – VİDEO
26-09-2022, 09:44
UEFA Millətlər Liqasının qrup mərhələsində VI tura start verilib.
“Report”un məlumatına görə, ilk oyun günündə A, C və D Liqalarında ümumilikdə 10 qarşılaşma keçirilib.
A Liqasının 1-ci qrupunda Xorvatiya səfərdə Avstriyanı, Danimarka isə Fransanı məğlub edib.
4-cü qrupda Niderland Belçikaya, Polşa Uelsə qalib gəlib.
C Liqasının bugünkü görüşləri formal xarakter daşıyıb. Hər iki qrupda liderlər və aşağı liqaya düşəcək komandalar əvvəlki turlarda bəlli olub. Gecənin sensasiyasına evdə Türkiyəni yenən Farer Adaları imza atıb.
D Liqasında Latviya səfərdə Andorra ilə heç-heçəyə razılaşıb, Moldova isə evdə Lixtenşteynə qalib gəlib.
Beləliklə, sonuncu turun ilk oyun gününün nəticələrindən sonra Xorvatiya və Niderland yığmaları qrup qalibi kimi final mərhələsinə adlayıblar.
Avstriya və Uels A Liqasını tərk edib. Latviya isə C Liqasına yüksəlib.
UEFA Millətlər Liqası
Qrup mərhələsi, VI tur
A Liqası
1-ci qrup
Avstriya - Xorvatiya - 1:3
Qollar: Kristof Baumqartner, 9 - Luka Modriç, 6. Marko Livaya, 69. Deyan Lovren, 72
Danimarka - Fransa - 2:0
Qollar: Kasper Dolberq, 34. Andreas Skov Olsen, 39
Xal durumu: Xorvatiya - 13, Danimarka - 12, Fransa - 5, Avstriya - 4
4-cü qrup
Niderland - Belçika - 1:0
Qol: Vircil van Deyk, 73
Uels - Polşa - 0:1
Qol: Karol Sviderski, 58
Xal durumu: Niderland - 16, Belçika - 10, Polşa - 7, Uels - 1
C Liqası
1-ci qrup
Farer adaları - Türkiyə - 2:1
Qollar: Vilyormur Davidsen, 51. Yohan Edmundsson, 59 - Serdar Gürler, 89
Lüksemburq - Litva - 1:0
Qol: Jerson Rodriges, 89
Xal durumu: Türkiyə - 13, Lüksemburq – 11, Farer adaları – 8, Litva – 1
3-cü qrup
Slovakiya - Belarus - 1:1
Qollar: Adam Zrelyak, 65 - İvan Baxar, 45
Azərbaycan - Qazaxıstan - 3:0
Qollar: Aleksandr Maroçkin, 66 (öz qapısına). Filip Ozobiç, 74. Anatoli Nuriyev, 90+1
Qırmızı vərəqə: Nuralı Alip, 35 (Qazaxıstan)
Xal durumu: Qazaxıstan - 13, Azərbaycan - 10, Slovakiya - 7, Belarus - 3
D Liqası
Andorra - Latviya - 1:1
Qollar: Albert Rosas, 88 - Vladislav Qutkovski, 50
Moldova - Lixtenşteyn - 2:0
Qollar: Viktor Stine, 90+2; 90+4
Xal durumu: Latviya - 13, Moldova - 13, Andorra - 8, Lixtenşteyn - 0.
