PSJ klubu Lionel Messinin gedişi səbəbindən bir milyondan çox abunəçisini itirib. Bundan əvvəl parislilərin “Instagram” hesabında 70,4 milyon abunəçi var idi. Lakin argentinalı hücumçunun klubdan ayrılması xəbərindən sonra onların sayı 69,2 milyona enib və azalmaqda davam edir.

İyunun 3-də PSJ 2022/2023 mövsümünün sonunda Messinin gedəcəyini açıqlamışdı.

Qeyd edək ki, Messi 2021-ci ildən PSJ-də oynayır. Onun parislilərlə müqaviləsi 2023-cü ilin iyun ayına kimi bir mövsümlük uzadılma variantı ilə nəzərdə tutulub. Daha əvvəl isə hücumçu karyerası boyu “Barselona”da çıxış edib. Kataloniyalıların tərkibində on dəfə İspaniya çempionu, dörd dəfə Çempionlar Liqasının qalibi olub.

Mənbə: lenta.ru