PSJ Fransa Liqa 1-in cari mövsümündə ilk qələbəsini qazanıb.

Oxu.Az xəbər verir ki, əvvəlki iki görüşü heç-heçə başa vuran Paris klubu III turda doğma meydanda “Lans”a qalib gəlib - 3:1.

Kilian Mbappenin dubl etdiyi qarşılaşmada PSJ-nin digər qoluna Marko Asensio imza atıb. “Lans”ın yeganə qolunu Morqan Quilavoqui vurub.
Xalını beşə çatdıran PSJ dördüncüdür. “Lans” bir xalla 15-ci yerdə qərarlaşıb.