Sabah Avropa Liqasının qrup mərhələsinin püşkü atılacaq.
Bakupost.az xəbər verir ki, Bakı vaxtı ilə 15:00-da Monako şəhərində keçiriləcək püşkatmada “Qarabağ”ın da rəqibləri bəlli olacaq.
Qeyd edək ki, qrup mərhələsində 32 komanda mübarizə aparacaq. Onlar hər birində 4 klub olmaqla 8 qrupa bölünəcəklər. Qrupda eyni ölkələrin komandası bir-birinə rəqib ola bilməyəcəklər.
Qrup qalibləri yarışın 1/8 finalında birbaşa oynamaq hüququ əldə edəcəklər. 2-ci yeri tutanlar bu yarışın, 3-cü yeri tutanlar isə Konfrans Liqasının 1/16 finalına vəsiqə qazanacaqlar.